ကျော်သူ (သို့မဟုတ်) မြွေဖြူလေးနှင့် စိုးမြတ်တို့၏ လျှိုဝှက်ဇာတ်လမ်း(အပိုင်း ၇)

ထိုင်း-မြန်မာ နယ်စပ်မှာလွန်ခဲ့တဲ့ နှစ်ပေါင်း ၃၀ ကျော်က လက်စွမ်းလက်စကြီးတဲ့ ကြေးစားလူသတ်သမားတစ်ယောက်ရှိခဲ့ဖူးပါတယ်။ ဆွယ်တာအင်္ကျီလေးနဲ့ အသားဖြူဖြူ ခပ်နွဲ့နွဲ့မင်းသားကြီး ဇေယျပုံစံနဲ့မို့ မြဝတီမြို့နဲ့နယ်စပ်တစ်ကျောမှာ သူ့ကို မြွေဖြူလေးလို့ အားလုံးသိထားကြပါတယ်။ သူ့ရဲ့ အားသာချက်ကတော့ သေနတ်ပစ်ရင်အင်မတန်လက်ဖြောင့်ပါတယ်။ သူ့ကိုငှားရမ်းတဲ့ သူဌေးအများစုက လောင်းကစားမှုနဲ့ အသက်မွေးဝမ်းကျောင်းပြုနေတဲ့ နိုင်ငံခြားသားတွေများပါတယ်။ သူက စကားသိပ်ပြောတဲ့သူ မဟုတ်ပါဘူး။ ပြီးတော့ သိုသိုသိပ်သိပ်နေတတ်ပါတယ်။ သူ့ကိုအပ်တဲ့ အလုပ်မှန်သမျှ အတိအကျ လုပ်ပေးတဲ့အတွက်ထိုင်းနယ်စပ်မှာ သူ့ဂုဏ်သတင်းက မွှေးနေပါတယ်။ တစ်ခါက ကျော်သူဟာ ပြည်တွင်းထဲကို ကိစ္စတစ်ခုနဲ့ ပြန်ဝင်လာတဲ့အချိန်အဖမ်းခံလိုက်ရပါတယ်။ မြန်မာနိုင်ငံဘက်မှာလည်း ကျော်သူလုပ်ခဲ့တဲ့ အမှုတွေကြောင့် ရဲဘက်ကသူ့ကိုအလိုရှိနေပါတယ်။ သူကအရှိန်အဝါကြီးတော့ ထောက်လှမ်းရေးက တိုက်ရိုက်ကိုင်တွယ်ပြီးအင်းစိန်ထောင်ကို ပို့လိုက်ပါတယ်။ အင်းစိန်ရောက်တဲ့အခါမှာတော့ သူရဲ့မိုက်ဂုဏ်ကို စမ်းသပ်ဖို့စောင့်နေတဲ့ စိုးမြတ်နဲ့စတွေ့ရတော့တာပါပဲ။

 

ကျော်သူ (ခ) မြွေဖြူလေး အကြောင်းပြောမယ်ဆိုရင် အားလုံးသိထားကြတဲ့ ထောင်မင်းသားကြီး စိုးမြတ် ကိုလည်း ချန်ထားခဲ့လို့မဖြစ်နိုင်ပါဘူး။ အရေးအခင်းပြီးတဲ့နောက်ထောင်ထဲကို “ဇ” ရှိတဲ့ လူဆိုးတွေ အစီအရီဝင်လာကြတဲ့အထဲမှာ အလုံကအရေးအခင်း ခေါင်းဖြတ်မှုနဲ့ဝင်လာတဲ့စိုးမြတ်က အင်းစိန်ထောင်မှာ ဂန္တဝင်တွင်ပါတယ်။ ဒါပေမဲ့ထောင်သမ္ဘာဝါအရ စိုးမြတ်ဝင်လာချိန်မှာ အင်းစိန်ထောင်ကို မလွှမ်းမိုးနိုင်သေးပါဘူး။ အင်းစိန်ထောင်မှာ အဲဒီအချိန်က သြဇာအကြီးမားဆုံး လူတစ်ယောက်ရှိနေခဲ့ပါတယ်။

သူကတော့ ကြည့်မြင်တိုင်က ကိုစံငြိမ်းပါပဲ။ ကိုစံငြိမ်းရဲ့မိုက်ဂုဏ်ကလည်း အင်မတန်ထင်ရှားပါတယ်။ မဆလခေတ်က ကြည့်မြင်တိုင်မှာ အင်အားကြီးတဲ့လူမိုက်အဖွဲ့ကြီးနှစ်ဖွဲ့ရှိတယ်။ တစ်ဖွဲ့ကို ကိုစံငြိမ်း က ခေါင်းဆောင်ပြီး ကျန်တဲ့တစ်ဖွဲ့ကိုတော့ ကပ္ပလီလို့ခေါ်တဲ့ လူမိုက်တစ်ယောက်က ဦးဆောင်တယ်။

ကြည့်မြင်တိုင်ဆိုတာကလည်း နယ်မြေကျယ်သလို လှိုင်မြစ်နဲ့ ဆက်စပ်နေတဲ့အတွက် လူဆိုးလူမိုက်တွေအတွက် “ခွင်” တော်တော်ပေါတဲ့အရပ်ဒေသပါ။ နောက်ဆုံးတော့ ကြည့်မြင်တိုင်ဂိုဏ်းနှစ်ဂိုဏ်းဟာ ဝေစုမတည့်တော့ဘဲ နယ်မြေလုပွဲဆင်နွှဲပါတော့တယ်။ ဒီပွဲမှာ ကိုစံငြိမ်းဟာ ကပ္ပလီရဲ့ အိမ်ပေါ်ကိုတက်ပြီး တစ်မိသားစုလုံးကို ဓားနဲ့ တက်ခုတ်တယ်။ ကပ္ပလီကတော့ကံကောင်းပြီး လွတ်မြောက်သွားတယ်။ ကျန်တဲ့မိသားစုတွေတော့ သေကုန်တယ်။ ဒီအမှုနဲ့ပဲ ကိုစံငြိမ်း အင်းစိန်ထောင်ထဲကိုဝင်ရတယ်။ ပြဿနာက ဒီမှာမပြီးဘူး။ ကပ္ပလီကလည်း တစ်မိသားစုလုံး သေသွားတဲ့အတွက်ကိုစံငြိမ်းကို အခဲမကျေဘူး။

ဒါကြောင့် ကိုစံငြိမ်း ရုံးထွက်ကိုစောင့်ပြီးသတ်ဖို့ကြံစည်တယ်။ ကိုစံငြိမ်းရုံးအထွက်မှာ ကပ္ပလီက ဓားနဲ့ခုတ်ပေမယ့် ရဲတွေအကာအကွယ်ကောင်းလို့ ကိုစံငြိမ်း အသက်ရှင်ခဲ့ရတာ။ လွတ်မြောက်သွားတဲ့ ကပ္ပလီကို ဆက်ရှင်းဖို့ကို စံငြိမ်းရဲ့လက်ရင်းတပည့် ကောက်ကြီးကဆက်လှုပ်ရှားတယ်။ ကောက်ကြီးက စက်ဘီးရှေ့မှာ ထီလက်မှတ်တွေချိတ်ပြီး ထီသည်ယောင်ဆောင်ကာ ကပ္ပလီကိုဆက်ရှာတယ်။ စက်ဘီးရှေ့ဘားတန်းမှာ ဓားကိုကပ်ပြီးကြိုးနဲ့စည်းထားတယ်။

တစ်နေ့တော့ကောက်ကြီး ထီရောင်းနေတုန်း ဘတ်စ်ကားပေါ်တက်သွားတဲ့ ကပ္ပလီကို လှမ်းမြင်လိုက်တယ်။ ဒါနဲ့ ကောက်ကြီးလည်းစက်ဘီးမှာချိတ်ထားတဲ့ ဓားကိုယူပြီး ဘတ်စ်ကားပေါ်ပြေးတက်သွားတယ်။ ခရီးသည်တွေကြားမှာပဲ ရုပ်ရှင်ထဲကလိုစာရင်းရှင်းပွဲလုပ်တယ်။

နောက်ဆုံးကောက်ကြီးက ကပ္ပလီရဲ့ခေါင်းကိုဖြတ်လိုက်တယ်။ ဒီသတင်းက ကြည့်မြင်တိုင်တစ်ကျောမှာတုန်လှုပ်ခြောက်ခြားစရာ အကောင်းဆုံးဖြစ်ခဲ့ပြီး ကောက်ကြီးလည်း အဖမ်းခံလိုက်ရပြီး အင်းစိန်ထောင်ရောက်သွားတယ်။အင်းစိန်ထောင်မှာ အဆင်ပြေနေတဲ့ကိုစံငြိမ်းက သူ့တပည့်ကို ခမ်းခမ်းနားနား ကြိုဆိုတယ်။ မင်းတာဝန်ကျေပွန်တယ်ပေါ့။

ကိုစံငြိမ်းရဲ့လူအုပ်က တောင့်တော့တစ်ထောင်လုံးကို သြဇာညောင်းတယ်။ ကိုစံငြိမ်းပြီးရင်တစ်ထောင်လုံးပြီးတယ်။ဒီလိုအချိန်မှာပဲ စိုးမြတ်ကြီးလည်း အင်းစိန်ထောင်ကို ရောက်လာတယ်။ စိုးမြတ်ကြီးက ရုပ်ဖြောင့်ဖြောင့် အသားဖြူဖြူနဲ့ ကျောကုန်းမှာ လောကနတ်အရုပ်ကိုထိုးထားတယ်။ စကားပြောတဲ့ အခါမှာလည်း ဘယ်သူ့ကိုမဆို ဖော်ဖော်ရွေရွေနဲ့ ချိုချိုသာသာပြောတယ်။ လူမှုဆက်ဆံရေး သိပ်ကောင်းတယ်။

ဒီအားကောင်းချက်တွေကြောင့် ထောင်ထဲရောက်လာတဲ့လူဆိုးလူမိုက်အချို့က စိုးမြတ်ကြီးကိုခေါင်းဆောင်တင်ကြတယ်။သူ့အုပ်စု ကိုယ့်အုပ်စုတွေ ဖြစ်လာပေမယ့် ကိုစံငြိမ်းက ကြည့်မြင်တိုင်၊ စိုးမြတ်ကြီးက အလုံဆိုတော့ အပိုင်သားအချင်းချင်းဆိုပြီး ဘာပြဿနာမှမရှိဘူး။ ကိုစံငြိမ်းကလည်း သူ့လူသူပိုင်တယ်။ စိုးမြတ်ကလည်း သူ့လူသူနိုင်တယ်။ ဒီလိုနဲ့ထောင်ထဲမှာ နားလည်မှုရှိရှိ နေနေကြတယ်။ ဒါပေမဲ့ စိုးမြတ်ကြီးရဲ့ ဘုန်းတန်ခိုးအာဏာ တက်လာချင်တော့ ကိုစံငြိမ်းအကုသိုလ်ဂြိုဟ်ဆိုးဝင်တဲ့တစ်နေ့ရောက်လာတယ်။ ကိုစံငြိမ်းက အင်းစိန်ထောင်အချုပ်ရုံးမှာ အလုပ်လုပ်ပါတယ်။ ဒီနေရာက တစ်ထောင်လုံးရဲ့ အဓိကငွေဝင်ပေါက်နေရာကြီးပါပဲ။ ဒီနေရာကို ကိုစံငြိမ်းက “ကိုင်” ထားတာပါ။

 

ထောင်ထဲရောက်လာတဲ့ အချုပ်သားမျိုးစုံထဲမှာ ပိုက်ဆံရှိတဲ့လူ ၊ မိဘနောက်ခံ တောင့်တင်းတဲ့လူ မျိုးစုံပါတယ်။ ဒီအချုပ်သားတွေ ထောင်ထဲမှာ သက်သက်သာသာ နေချင်ရင် ကိုစံငြိမ်းတို့နဲ့ညှိမှ အဆင်ပြေမှာဖြစ်ပါတယ်။ ညှိတဲ့အခါမှာ “အလုပ်ဇယား” တွေပါလာတယ်။ အပြင်ကမိဘတွေကလည်း သူတို့ရဲ့ သားတွေ ၊ လင်ယောက်ျားတွေ ၊ ဖခင်တွေ ထောင်ထဲမှာ ကောင်းကောင်းမွန်မွန်နေနိုင်ဖို့ငွေကိုရေလိုသုံးရတယ်။ ဒါကြောင့်ကိုစံငြိမ်းအတွက်တော့ဆည်ဝကဗျိုင်းလို “ကောက်စား” ရုံပါပဲ။

သူ့အတွက်အချုပ်ရုံးဆိုတာ “အငြိမ်းဇယား” ပဲ။ ဒီလို သာယာနေတဲ့ဘ၀ဟာ သာကေတ NLD က သင်္ကြန်သံချပ်ထိုးလို့ ၅(ည)နဲ့ ဝင်လာတဲ့ ကိုမြင့်အောင်ကြောင့် တစ်မုဟုတ်ချင်း ပြိုကျပျက်စီးသွားပါတယ်။ ကိုမြင့်အောင်ကို ထောက်လှမ်းရေးက စစ်ကြောရေးလုပ်နေတုန်းမို့ အင်းစိန်ထောင်ထဲ ထည့်ထားပေမယ့် ရုံးတင် တရားမစွဲရသေးဘူး။ ထောက်လှမ်းရေးလည်း ကိုမြင့်အောင်ကို အင်းစိန်ထောင်အချုပ်ရုံးမှာပဲ စစ်ကြောရေးလုပ်နေတယ်။ အဲဒီနေ့က စစ်ကြောရေးလုပ်နေတဲ့ထောက်လှမ်းရေး အိမ်သာသွားတက်နေတုန်း ကိုမြင့်အောင်က ထောက်လှမ်းရေးရဲ့ ဦးထုပ်ကိုဆောင်း ၊ လက်ပတ်နာရီကိုဝတ်ပြီး အင်းစိန်ထောင်ဗူးဝကနေ ခပ်တည်တည်နဲ့လွတ်မြောက်သွားတယ်။ အရှေ့တောင်အာရှရဲ့ အလုံခြုံဆုံးနဲ့အကြီးဆုံးထောင်လို့ ကြွေးကြော်နေတဲ့ အင်းစိန်ထောင်ကြီးကတော့ကိုမြင့်အောင်ကြောင့်ကျွမ်းပြန်ပြီး ကျန်ရစ်ခဲ့တယ်။

(ကိုမြင့်အောင်အကြောင်း “ကြမ်းတမ်းသော စစ်ပွဲနှင့်ပခုံးထက်က နတ်ဆိုးများ” စာအုပ်တွင်ရေးသားပြီး) ထောင်ပိုင်ကြီးက အစတာဝန်ခံ ထောင်မှူးတွေ ၊ တံခါးထောင်မှူးတွေ ၊ ဝန်ထမ်းတွေအားလုံး စစ်ဆေးအရေး ယူခံရတယ်။ ဒီပြဿနာကြောင့်အချုပ်ဆောင်ကိုရှင်းဖို့တံမြက်စည်းလှည်းတဲ့အထဲမှာ ကိုစံငြိမ်းလည်းပါသွားတယ်။ နောက်ဆုံး ကိုစံငြိမ်းကို အချုပ်ရုံး လေဘာကျကနေ ရုပ်သိမ်းပြီး တိုက်ပိတ်လိုက်တယ်။ ကိုစံငြိမ်း အရာကျသွားတာကြောင့် သူ့တပည့်တွေလည်း ထောင်ထဲမှာ“ငုပ်” သွားတယ်။ ထောင်ကလည်း ဘယ်လောက်တောင်ရက်ရက်စက်စက်လုပ်သလဲဆိုတော့ ကိုစံငြိမ်းကို အရမ်းကြမ်းတဲ့နယ်စပ်က ရဲဘက်စခန်းကိုပါ ပို့ပစ်လိုက်တယ်။ နောက်ဆုံး ရဲဘက်စခန်းမှာပဲ သေသွားတယ်လို့ကြားသိထားရတယ်။ကိုစံငြိမ်း မရှိတော့တဲ့နောက်မှာတော့ စိုးမြတ်က ထောင်ထဲမှာ တန်ခိုးအာဏာ ကြီးထွားလာပါတယ်။

ထောင်ကလည်း လူဆိုးတွေကို ထိန်းဖို့ လူဆိုးတွေကိုပဲ ပြန်သုံးတဲ့ အစဉ်အလာကြောင့် စိုးမြတ်ကြီးကို အခွင့်အရေးတွေပေးပြီး ချက်ချင်း “မွေး” ပစ်လိုက်တယ်။ ပြီးတော့ တစ်ထောင်လုံးရဲ့ ငွေကြေးအဝင်ဆုံး နေရာဖြစ်တဲ့ အချုပ်ဆောင်နှစ်ဆောင်အနက်(၁) ဆောင်ကို အပိုင်စားပေးလိုက်တယ်။ အင်းစိန်တစ်ထောင်လုံးက အဆောင်တွေဟာ အရေးအခင်းမှာ မီးရှို့လိုက်လို့တစ်ထပ်တွေပဲ ဖြစ်ကုန်ပြီး မီးမလောင်ဘဲ ကျန်ရစ်ခဲ့တာဆိုလို့ (၁) ဆောင်ပဲ ရှိပါတယ်။ (၁) ဆောင်က နှစ်ထပ်ဆိုတော့အချုပ်သားဦးရေပိုများတယ်။ ဆိုလိုချင်တာက စိုးမြတ်ကြီးအတွက်ဝင်ငွေပိုကောင်းတယ်လို့ပြောချင်တာပါ။ ဒါပေမဲ့စိုးမြတ်ကြီးက တခြားလူဆိုးတွေလိုမဟုတ်ဘူး။ အချုပ်ဆောင်ကိုရောက်လာတဲ့ နိုင်ငံရေးသမားတွေအားလုံးကို လေးလေးစားစားဆက်ဆံတယ်။ သူအထူးဂရုစိုက်တဲ့ နိုင်ငံရေးသမားကြီးနှစ်ယောက်ကတော့ သုံးခွဦးစိန်ဝင်း (၁၉၅၉ တကသ ဒုဥက္ကဋ္ဌဟောင်း) နဲ့စစ်ကိုင်း ဦးတင်ဝင်းတို့ဖြစ်ပါတယ်။

 

အင်းစိန်ထောင် အတွင်းမှ ဂန္တဝင် လူမိုက်ကြီးများအကြောင်း

အပိုင်း (၈)

 စိုးမြတ်ကြီး

တကယ်တော့စိုးမြတ်ကြီးဟာ ၁၉၈၈ ခုနှစ်နဝတအစိုးရအာဏာသိမ်းပြီးတဲ့အချိန်ထောင်ထဲဝင်တော့ “တန်းဝင်”လူမိုက်ကြီးစာရင်း မဝင်သေးပါဘူး။ စိုးမြတ်ကြီးရဲ့ ထောင်တွင်းဘဝကိုကြီးကျယ်ခမ်းနားအောင် “အတောင်ပံတပ်” ပေးလိုက်တဲ့သူ နှစ်ယောက်ကတော့ ကြည့်မြင်တိုင်လူမိုက်ကြီး ကိုစံငြိမ်း နဲ့ ထောင်ပိုင်ကြီး ဦးဇော်အုန်း တို့ပဲဖြစ်ပါတယ်။အသားဖြူဖြူ ရုပ်ချောချော သန့်ပြန့်တဲ့ ဥပဓိရုပ်ပိုင်ရှင်စိုးမြတ်ကြီးဟာ အလုံအရေးအခင်း ခေါင်းဖြတ်အမှုမှာ မခြူးနဲ့အတူထောင်ကျခဲ့တာဖြစ်ပါတယ်။ အမှုတွဲထဲမှာ ဂါးဂါးကြီး ၊ ဂါးဂါးလေး ၊ မင်းဦး နဲ့ နဂါးလေးတို့ပါဝင်ပြီး မခြူးတစ်ယောက်သာသေဒဏ်ကျခဲ့တာဖြစ်ပါတယ်။စိုးမြတ်ကြီး ကံကောင်းတာက အာဏာသိမ်းပြီးခါစအချိန် ၊ ထောင်ခါပြီးခါစမို့လို့ ထောင်ထဲမှာလူကလည်းနည်းတယ်။

စိုးမြတ်ကြီးကလည်း အပြောအဆိုကောင်းတော့ ထောင်ပိုင် ဦးဇော်အုန်းက ချက်ချင်းသဘောကျသွားတယ်။ထောင်အာဏာပိုင်တွေရဲ့ ထုံးစံအတိုင်း စိုးမြတ်ကြီးကို ပိုက်ဆံမြိုးမြိုးမြက်မြက်ရတဲ့ အချုပ်ဆောင်တွေမှာ တန်းစီးအရာပေးလိုက်တယ်။ တစ်ခုကောင်းသွားတာက စိုးမြတ်ကြီး ထောင်ကျတဲ့ အမှုဟာ လူသတ် ၊ ပစ္စည်းယူ ၊ ဓားပြတိုက်တာမဟုတ်ဘဲ အရေးအခင်း ခေါင်းဖြတ်အမှုဖြစ်တဲ့အတွက်ထောင်ထဲကိုရောက်လာတဲ့ နိုင်ငံရေးသမားတွေက သူ့ကို “တန်း”တစ်ခုပေးပြီးဆက်ဆံတယ်။ သူကလည်း အဲဒီလို ဆက်ဆံခံရတာကို သဘေကျတယ်။ တခြားလူဆိုး ၊ လူမိုက်တွေကိုလည်း နိုင်ငံရေးသမားတွေကသူ့အပေါ်မှာ တန်ဖိုးထားဆက်ဆံတဲ့အကြောင်းကိုလည်း မကြာခဏထုတ်ပြောပြီးကြွားတတ်တယ်။

တစ်နည်းအားဖြင့် နိုင်ငံရေးသမားတွေက သူ့နောက်မှာ ရှိနေတယ်ဆိုတဲ့သဘောပေါ့။ ဒါကြောင့်လည်း နိုင်ငံရေးသမားတွေ လုပ်ချင်တာကို အာဏာပိုင်တွေမသိအောင်လိုက်လျောတယ်။ သူကတော့ နိုင်ငံရေးသမားတွေနဲ့ ပတ်သက်ပြီးထောင်အာဏာပိုင်ကို “ချွန်” တာ ၊ “တက်” တာ မရှိဘူး။ ဒီလိုနဲ့ စိုးမြတ်ကြီးဟာ အင်းစိန်ထောင်ထဲမှာ ထင်ရှားလာပါတော့တယ်။ သူ့ရဲ့နာမည်တရှိန်ရှိန်တက်နေတဲ့အချိန်မှာ စိုးမြတ်ကြီးက သူကောင်းကောင်း ကျွမ်းကျင်တဲ့Public Relationshipကို ကောင်းကောင်းအသုံးချပါတယ်။ သူ့အပေါ်သစ္စာရှိမယ်လို့ထင်တဲ့ လူတွေကိုတပည့်အဖြစ်မွေးပြီး ကောင်းကောင်းကျွေးထားတယ်။

ပြီးတော့ဦးနှောက်နည်းတဲ့လူဆိုးတွေ သူ့အပေါ် ပိုပြီးတိမ်းညွှတ်လာအောင်သူ့ပုံစံကိုပါ ပြောင်းလဲလိုက်တယ်။သူ့ကျောကုန်းမှာထိုးထားတဲ့ လောကနတ်ရုပ်က တော်တော်လှပါတယ်။ ဒီအရုပ်ကို အင်းစိန်တစ်ထောင်လုံး တက်တူးထိုးတာနဲ့ ပတ်သက်ပြီး အတော်ဆုံးလို့ဆိုတဲ့ ဌေးဝင်းက အကောင်းစားဆေးတွေကို နိုင်ငံခြား ကမှာပြီး ထိုးပေးထားတာဖြစ်ပါတယ်။

အဲဒီအချိန်က ထောင်ထဲမှာ တက်တူးဆရာကြီးဆိုလို့ဌေးဝင်းနဲ့ကဗျာ (မူးယစ်အမှုတွဲနှစ်ယောက်) ပဲ ရှိပါတယ်။ညနေဘက် ထောင်ပိတ်ရင်ကျသစ်တွေကို စိုးမြတ်ကြီးက မိန့်ခွန်းခြွေလေ့ရှိတယ်။ သူပြောလေ့ရှိတဲ့ စကားကတော့ “ငါ့ညီတို့ကိုတစ်ခုပြောချင်တယ်၊ စာရေးဆရာ မင်းသိင်္ခ ဝတ္ထုတွေ ဖတ်ဖူးမှာပေါ့။ သူ့ဇာတ်ကောင်တွေထဲမှာ လူတွေသဘောအကျဆုံးကတော့ ဆားပုလင်းနှင်းမောင်ပဲ။ ဆားပုလင်းနှင်းမောင်က ရုပ်ဖြောင့်တယ်၊ သတ်္တိရှိတယ်၊ အားနည်းတဲ့ သူဘက်ကရပ်တည်တယ်၊ မတရားတာ လုပ်လာရင်ဘယ်သူ့ကိုမှ မကြောက်ဘူး။

ဒီဇာတ်ကောင်မျိုး ဝတ္ထု ထဲမှာမို့လို့အပြင်မှာမရှိဘူးမထင်နဲ့။ အပြင်မှာလည်း ဆားပုလင်းနှင်းမောင်လို လူတစ်ယောက်ရှိတယ်။ သူကတော့ အင်းစိန်ထောင် ထဲက စိုးမြတ် လို့ခေါ်တဲ့ကျုပ်ပဲ” လို့ ပြောတတ်တယ်။ ဒီလိုအပြောချိုချိုလေးရဲ့ နောက်မှာတော့ ထောင်ထဲမှာတရားမဝင်လုပ်နေတဲ့ လောင်းကစားဝိုင်းတွေကို မသိချင်ယောင်ဆောင်ပြီး ခွင့်ပြုထားတယ်။ မူးယစ်ဆေးဝါး သုံးစွဲတာတွေကို မျက်ကွယ်ပြုထားတယ်။

ကုန်ကုန်ပြောရရင်တက်တူးထိုးတာ ၊ လိင်တူဆက်ဆံတာက အစ ချုပ်ကိုင်ထားတာ ဖြစ်တဲ့အတွက်စိုးမြတ်ရဲ့ သြဇာက ထောင်ထဲမှာ တဖြည်းဖြည်း ကြီးမားလာတယ်။ အကျဉ်းသားတွေကလည်း လောင်းကစားကို ဘယ်လောက်တောင်ဝါသနာထုံလဲဆိုရင်စိတ်ပုတီးက ပုတီးစေ့တွေနဲ့လည်းလုပ်တတ်တယ်။ ထောင်ထဲမှာရှိနေတဲ့ ခဲလုံး နဲ့လည်းကစားတတ်တယ်။ ဘာမှမရှိရင်တောင်ယာမှာ စိုက်ပျိုးထားတဲ့ မုန်ညှင်းခင်း ၊ ကိုက်လန်ခင်းထဲက အပင်တွေမှာပွင့်တဲ့ ပန်းပွင့်တွေကို လက်ညိုးထိုးပြီး “စုံ” ၊ “မ” ဝှက်တယ်။ ပြီးမှ အပင်မှာသွားပြီး အပွင့်ရေကြတယ်။ သူတို့ကို ဘာနဲ့မှအရေးယူလို့မရပါဘူး။ အလောင်းအစားကတော့ ၀တ်ထားတဲ့အင်္ကျီတွေ ၊ ပုဆိုးတွေ ၊ အနွေးထည်တွေ ၊ စောင်တွေ ၊ အိပ်ရာလိပ်တွေ ရှိသမျှ အကုန်လောင်းကြတာပါပဲ။

ထောင်မင်းသားဖြစ်လာတဲ့ စိုးမြတ်ကြီး ဟာ ထောင်အာဏာပိုင်တွေရဲ့ မျက်နှာသာပေးမှုကြောင့် ကြိုက်သလိုနေထိုင်တယ်။ အကျဉ်းသားတွေ စီးခွင့်မရှိတဲ့ ကတ္တီပါဖိနပ်ကို စီးတယ်၊ အကျဉ်းသားဝတ်စုံမဝတ်ဘဲ ပလေကပ်လုံချည်နဲ့တီရှပ်ကိုဝတ်တယ်၊ တီရှပ်အပေါ်မှာ လယ်သာဂျက်ကက်ထပ်ဝတ်ပြီး ရေဘင်မျက်မှန်တောင်တပ်လိုက်သေးတယ်။ တစ်ထောင်လုံးကို ကြိုက်သလိုသွားခွင့်ရှိပြီး ဝါးဆစ်ပိတ်ကိုင်ထားတဲ့ သက်တော်စောင့် ရှေ့နှစ်ယောက် နောက်နှစ်ယောက်အနည်းဆုံးပါတယ်။ စိုးမြတ်ကြီးစားတဲ့ ထမင်းဝိုင်းကိုလည်း ကြည့်ပါဦး။ သူစားဖို့အတွက် ကြွေပန်းကန်နဲ့ ထမင်းခူးပေးထားပြီး အကျဉ်းသားတွေ ကိုင်ခွင့်မရှိတဲ့ ဇွန်းနဲ့ခက်ရင်းကို ချပေးထားရတယ်။ ဟင်းခွက်က အနည်းဆုံး လေးငါးဆယ်ခွက်ကနေ ခွက်၂၀ လောက်ရှိတယ်။

သူအကြိုက်ဆုံးဖြစ်တဲ့ ၀က်ဆီဖတ်နဲ့ ငါးပိရည်မပါရင်မစားဘူး။ ထမင်းစားတဲ့အချိန်ကိုလည်း ကြည့်လိုက်ဦး။ လက်ဆေးဇလုံကိုရှေ့ချထားပြီး ထမင်းစားမယ့်အချိန်မှာ လက်ကိုဆန့်တန်းပေးလိုက်ရုံပဲ။ တပည့်တစ်ယောက်က သေချာလက်ဆေးပေးတယ်။ ပြီးတော့မှထမင်းကို ငါးပိရည်နဲ့နယ်ပြီး အားပါးတရစားတယ်။ ထမင်းစားပြီးတော့လည်း လက်ကိုပြန်ပြီး ဆန့်တန်းပေးလိုက်ရုံပဲ။ တပည့်တွေက ရေနဲ့တစ်ထပ် ဆပ်ပြာနဲ့တစ်ထပ် ဆေးပေးရတယ်။

တစ်ခါတရံမှာ မိန်းဂျေးလ်ထောင်မှူးနဲ့ တစ်ဝိုင်းတည်းစားတယ်။ ထောင်ထဲမှာ အကျဉ်းသားနဲ့ ထောင်မှူးအတူတူ ထမင်းစားခွင့်မရှိပါဘူး။ ဒါပေမဲ့ စိုးမြတ်ကြီးအတွက်တော့ ထောင်ဥပဒေက ခြွင်းချက်ပေ့ါ။ ဒီလို နာမည်ကြီးတဲ့ စိုးမြတ်ကြီးဟာထောင်ထဲမှာ သူ့ကို ယှဉ်လာနိုင်မယ့် လူမိုက်တွေကိုတော့ အမြဲဂရုစိုက်ပြီး စောင့်ကြည့်လေ့ရှိတယ်။ ခေါင်းထောင်တက်မလာအောင်နည်းမျိုးစုံနဲ့ဖိထားလေ့ရှိတယ်။ ဖိထားလို့မရတဲ့သူကိုတပည့်အဖြစ်စည်းရုံးသိမ်းသွင်းလိုက်တယ်။ ဒီလိုနည်းနဲ့ပြိုင်ဘက်တွေကို ချုပ်ကိုင်ထားနိုင်တယ်။ ဒီကြားထဲမှာတောင်(၃) ဆောင်မှာ ၅ (ည) တွေ နဲ့ ထိပ်တိုက်ပြဿနာတစ်ခုဖြစ်သေးတယ်။ ကျောင်းသားတွေဖြစ်တဲ့ တင့်လွင်တို့ ဂျင်ဘရောင်းတို့နဲ့ပေါ့။ ဒီပြဿနာဖြစ်တော့ စိုးမြတ်ကြီးလည်း စစ်ခွေးတိုက်ရောက်သွားသေးတယ်။

ဒီကတည်းက နှစ်ဖက်ရန်ဖြစ်တာ အကျိုးမရှိဘူးဆိုပြီး စိုးမြတ်ကြီး က ၅ (ည) တွေကိုအမြဲရှောင်ပါတယ်။ ဒါကြောင့်လည်း ထောင်ထဲမှာ သူ့ရဲ့အခန်းကဏ္ဍနဲ့ သြဇာအာဏာကို ဖြန့်ကြက်နိုင်တာပေါ့။ သူ့ကို
ကျော်နိုင်မယ့်သူ ထောင်ထဲမှာ တစ်ယောက်မှ ပေါ်မလာသေးဘူး။ ဒီလိုအချိန်မှာပဲ တစ်နေ့တော့ အင်းစိန်ထောင်ထဲကိုသတင်းတစ်ခု ဝင်လာတယ်။ ဒီသတင်းကတော့ မြန်မာနိုင်ငံနယ်စပ်မှာ နာမည်ကြီးတဲ့ လူမိုက် တစ်ယောက်ကို ဖမ်းမိပြီးအင်းစိန်ထောင်ကိုရောက်လာတော့မယ်ဆိုတဲ့သတင်းပဲ။

သူ့ကို အင်းစိန်ထောင် ကိုပို့ဖို့အတွက်ရဲတပ်ဖွဲ့ဝင်တွေကိုသာမက စစ်ထောက်လှမ်းရေး အဖွဲ့တွေကိုပါ လုံခြုံရေးအတွက်တာဝန်ပေးခဲ့ရတယ်ဆိုတဲ့သတင်းကြောင့်နာမည်ပိုကြီးသွားတယ်။ သူ့နာမည်ကို မေးကြည့်လိုက်တော့ကျော်သူတဲ့။ကျော်သူကို ထောင်ထဲက လူဆိုးတွေက စိတ်ဝင်စားနေတယ်။ ဒါကြောင့် စိုးမြတ်ကြီး ကလည်း ကျော်သူလာရင်ဦးချိုးဖို့စဉ်းစားထားတယ်။ ကျော်သူကို နယ်စပ်ကနေဖမ်းပြီး အင်းစိန်ထောင်ကို ပို့လိုက်တာဆိုတော့ တော်ရုံလူတော့ မဖြစ်နိုင်ဘူးဆိုပြီး တပည့်တွေနဲ့လည်းဖြိုဖို့တိုင်ပင်ထားတယ်။

စိုးမြတ်ကြီးက အချုပ်ရုံး ကိုလည်းပိုင်တော့ အချုပ်ရုံး သွားပြီး ကျော်သူ ရဲ့ကိုယ်ရေးရာဇဝင်ဖိုင်ကိုသူ့နည်းသူ့ဟန်နဲ့တောင်းကြည့်တယ်။ကျော်သူရဲ့ ကိုယ်ရေးရာဇ၀င်ဖိုင်ကို လှန်ကြည့်လိုက်တဲ့အခါ ကျော်သူ ရဲ့ အမည်နေရာမှာ ကျော်သူ (ခ) မြွေဖြူလေးလို့ တွေ့လိုက်ရတဲ့အတွက်စိုးမြတ်ကြီး ချက်ချင်း ခေါင်းနားပန်းကြီးသွားတယ်။ ဒါကြောင့် ကျော်သူလာရင်ဦးချိုးမယ့်စိုးမြတ်ကြီးရဲ့ အစီအစဉ်တွေဟာ ပြောင်းပြန်ဇောက်ထိုး ဖြစ်သွားပါတော့တယ်။

မှတ်ချက်-အပိုင်း(၉) ကိုဆက်လက်ဖော်ပြပေးပါမယ်။

Credit-အင်းစိန်ထောင်တွင်းမှ ဂန္တဝင်လူမိုက်ကြီးများ(ဇော်သက်ထွေး)